Ladaki Bahin Yojana KYC Rules 2026: महाराष्ट्रातील लाखो ‘लाडक्या बहिणीं’साठी एक महत्त्वाची बातमी समोर येत आहे. सध्या महिलांमध्ये चर्चेचा विषय आहे की, काही महिलांना ४,५०० ऐवजी थेट ६,००० रुपये बँक खात्यात जमा होणार आहेत. नेमके हे पैसे कोणाला मिणार? यामागचे कारण काय? हे सविस्तर समजून घेऊ.
मुख्यमंत्री माझी लाडकी बहीण योजनेअंतर्गत महिलांना दरमहा १,५०० रुपये दिले जातात. मात्र, गेल्या काही महिन्यांपासून ई-केवायसी आणि इतर तांत्रिक कारणांमुळे अनेक महिलांचे हप्ते रखडले होते. त्यामुळे त्यांना नोव्हेंबर, डिसेंबर, जानेवारी या तीन महिन्यांचा हप्ता मिळू शकला नव्हता. आता या सर्व प्रलंबित रकमेचा एकत्रित लाभ देण्याचा निर्णय सरकारने घेतला आहे.
महिला व बालविकास मंत्री आदिती तटकरे यांच्या माहितीनुसार, ज्या महिलांच्या अर्जात किरकोळ चुका होत्या (जसे की चुकीचा व्यवसाय पर्याय निवडणे, नावातील तफावत इ.) त्यांना या चुका दुरुस्त करण्याची संधी देण्यात आली आहे. अशा महिला आता आपल्या अर्जात सुधारणा करू शकतात. ज्यांनी या चुका दुरुस्त केल्या, त्यांना मागील तीन महिन्यांचा (ऑक्टोबर/नोव्हेंबर, डिसेंबर, जानेवारी) हप्ता म्हणजेच एकूण ४,५०० रुपये आणि फेब्रुवारी महिन्याचा १,५०० रुपये असा एकूण ६,००० रुपयांचा लाभ एकत्रितपणे मिळणार आहे.
शासकीय पडताळणीत असे आढळले आहे की, अनेक महिलांच्या अर्जात काही सामान्य चुका होत्या:
१. अर्ज भरताना ‘सरकारी नोकरी’ किंवा ‘पेन्शनधारक’ असा चुकीचा पर्याय निवडणे.
२. बँक खाते आधार कार्डशी लिंक (आधार सीडिंग) नसणे.
३. बँक खात्याचा IFSC कोड किंवा नाव चुकीचे असणे.
४. दोन वेगवेगळ्या क्रमांकांवरून दुहेरी नोंदणी झाल्यामुळे निर्माण झालेली गफलत.
या चुका दुरुस्त करण्यासाठी खालील पद्धती वापरता येतील:
- नारीशक्ती ॲपद्वारे: तुमच्या मोबाइलवरील ‘नारीशक्ती’ ॲपमध्ये लॉगिन करून ‘अर्जात सुधारणा’ या पर्यायावर क्लिक करा.
- अधिकृत पोर्टलद्वारे: ‘मुख्यमंत्री माझी लाडकी बहीण’ योजनेच्या अधिकृत संकेतस्थळावर जाऊन तुमच्या अर्जात आवश्यक ती दुरुस्ती करा.
- अंगणवाडी सेविकेची मदत: ऑनलाइन सुविधा नसेल, तर तुमच्या भागातील अंगणवाडी सेविका किंवा नारीशक्ती दूत यांच्याशी संपर्क साधा.
उपलब्ध माहितीनुसार, ज्या महिलांची ई-केवायसी प्रक्रिया आणि इतर दुरुस्त्या यशस्वीरीत्या पूर्ण झाल्या आहेत, त्यांच्या खात्यात ही रक्कम २० फेब्रुवारी २०२६ नंतर टप्प्याटप्प्याने जमा होण्यास सुरुवात होईल. त्यामुळे सर्व महिलांनी आपल्या अर्जाची स्थिती नियमित तपासावी.
सूचना: ही माहिती अधिकृत शासकीय सूत्रांवर आधारित आहे. अधिक अद्ययावत माहितीसाठी ‘नारीशक्ती’ ॲप किंवा संबंधित अधिकृत पोर्टल नियमित पहा.