Ladaki Bahin Yojana KYC Process 2026: राज्यातील लाखो महिलांच्या बँक खात्यात थेट आर्थिक मदत पोहोचवणाऱ्या ‘मुख्यमंत्री माझी लाडकी बहीण’ योजनेच्या लाभार्थ्यांसाठी एक महत्त्वाची माहिती आहे. ज्या महिलांचे ई-केवायसी प्रक्रियेतील त्रुटींमुळे गेल्या काही महिन्यांचे हप्ते रखडले आहेत, त्यांना लवकरच मोठा दिलासा मिळू शकतो. प्रशासकीय सूत्रांनुसार, अशा पात्र महिलांच्या खात्यात नोव्हेंबर, डिसेंबर, जानेवारी आणि फेब्रुवारी या चार महिन्यांचे एकत्रित ६,००० रुपये वितरित करण्याची शक्यता आहे.
राज्य सरकारने या योजनेसाठी मार्च २०२६ पर्यंतचे हप्ते वितरित करण्यासाठी ३,९०० कोटी रुपयांपेक्षा जास्त निधी आधीच मंजूर केला आहे. त्यामुळे आर्थिक तरतुदीचा प्रश्न नसून, केवळ ई-केवायसी प्रक्रियेतील तांत्रिक पडताळणी आणि चुकांमुळे काही महिलांचे हप्ते प्रलंबित आहेत.
सरकारने ई-केवायसीमधील चुका दुरुस्त करण्यासाठी ऑनलाईन पोर्टलवर ३१ मार्च २०२६ पर्यंत मुदतवाढ दिली आहे. या कालावधीत महिला स्वतः ‘नारीशक्ती’ ॲपद्वारे किंवा जवळच्या सीएससी केंद्रावर जाऊन आपल्या अर्जातील चुका दुरुस्त करू शकतात.
सध्या जानेवारी महिन्याचा हप्ता अनेक महिलांना मिठ्ठालेला नाही, तर फेब्रुवारीच्या हप्त्याची वेळ जवळ आली आहे. प्रशासकीय हालचालींवरून असे दिसते की हे दोन्ही हप्ते एकत्रित देण्याबाबत अधिकृत मंजुरी मिळू शकते. संभाव्यतः २० फेब्रुवारी २०२६ नंतर या थकीत रकमेचे वितरण सुरू होण्याची शक्यता आहे. मात्र, हा लाभ फक्त त्या महिलांनाच मिळेल, ज्यांनी आपली ई-केवायसी प्रक्रिया यशस्वीरीत्या पूर्ण केली आहे.
जर तुम्हाला केवायसी करताना ‘आधार नंबर समाविष्ट नाही’ किंवा ‘डेटा मॅच नाही’ अशा त्रुटी येत असतील, किंवा केवायसी पूर्ण करूनही हप्ता जमा झाला नसेल, तर त्वरित पुढील गोष्टी करा:
- आपल्या जवळच्या तालुका ‘महिला व बाल विकास विभाग’ कार्यालयाशी संपर्क साधा.
- तुमचे बँक खाते आधार कार्डशी लिंक (आधार सीडिंग) असल्याची खात्री करा. अनेक वेळा ही लिंक नसल्याने पैसे जात नाहीत.
- अंगणवाडी सेविका किंवा नारीशक्ती दूत यांची मदत घ्या.
योजनेचा लाभ थेट लाभ हस्तांतरण (DBT) द्वारे केला जातो, त्यामुळे बँक खात्याची माहिती अद्ययावत असणे अत्यंत आवश्यक आहे. सर्व पात्र लाभार्थी महिलांनी आपली ई-केवायसी आणि बँक आधार लिंकिंगची प्रक्रिया त्वरित पूर्ण करावी, जेणेकरून हा एकत्रित लाभ मिळवण्यात कोणतीही अडचण येणार नाही. हप्ता वितरणाची अंतिम अधिकृत तारीख लवकरच जाहीर होण्याची अपेक्षा आहे.
अस्वीकरण : ही माहिती सार्वजनिक स्रोतांवर आधारित आहे. अधिकृत माहितीसाठी योजनेचे संकेतस्थळ किंवा संबंधित कार्यालयाशी संपर्क साधावा.